رغم الاسلوب التخويفي المتخذنو اغلب اساتذة الفيزياء في الجامعة, الا انو الفيزياء من اسهل واجمل المواد في السنة الاولي! عشان اشرح انا قاصد شنو, خلوني احكي ليكم قصتي مع الفيزياء في سنة اولي:
زي ما قلت في المقدمة انا اثناء السنة الاولي حصلت لي ظروف منعتني من اني احضر زي تلاتة اسابيع اغلب المحاضرات. وكنت ساكن بعيد والاستاذ كان متشدد جدا في الحضور الساعة 8:30 . ما كنت بقدر دايما اصل في الوقت ده. بعد ما حضرت محاضرة محاضرتين. تلاتة محاضرات ورا بعض غبت فيهم. في المحاضرة الخامسة, اثناء ما المحاضرة شغالة وانا ما قدرت ادخل, زهجت وقلت امشي المكتبة اشوف الحاصل شنو في الفيزياء دي. مشيت وقعدت "اتفرج" علي الرفوف لحدي ما لقيت رف الفيزياء. قعدت اعاين لي اسماء الكتب وقادر افهم جزو من عناوينم لاكين ما عندي ادني فكرة اشيل ياتو واحد واحاول اعرف منو حاجة.اتزكرت انو المحاضرة الاولي الحضرتها كانت بتتكلم عن الشغل والحركة. لحسن حظي لأنو المكتبة بيكون فيها نسخ كتيرة من الكتب المستخدمة اكتر, شلت لي كتاب مالي الرفوف اسمو
زي ما قلت في المقدمة انا اثناء السنة الاولي حصلت لي ظروف منعتني من اني احضر زي تلاتة اسابيع اغلب المحاضرات. وكنت ساكن بعيد والاستاذ كان متشدد جدا في الحضور الساعة 8:30 . ما كنت بقدر دايما اصل في الوقت ده. بعد ما حضرت محاضرة محاضرتين. تلاتة محاضرات ورا بعض غبت فيهم. في المحاضرة الخامسة, اثناء ما المحاضرة شغالة وانا ما قدرت ادخل, زهجت وقلت امشي المكتبة اشوف الحاصل شنو في الفيزياء دي. مشيت وقعدت "اتفرج" علي الرفوف لحدي ما لقيت رف الفيزياء. قعدت اعاين لي اسماء الكتب وقادر افهم جزو من عناوينم لاكين ما عندي ادني فكرة اشيل ياتو واحد واحاول اعرف منو حاجة.اتزكرت انو المحاضرة الاولي الحضرتها كانت بتتكلم عن الشغل والحركة. لحسن حظي لأنو المكتبة بيكون فيها نسخ كتيرة من الكتب المستخدمة اكتر, شلت لي كتاب مالي الرفوف اسمو
Contemporary College Physics
( معاصر= Contemporary) ولا كنت عارف معني
المهم, بقيت اعاين في الفهرس لحدي ما لقيت عنوان المحاضرة, فتحت الصفحة لقيت كلام المحاضرة بالضبط زي ما هو!!!. من الحماس قريت المحاضرة ولأني ما كنت عارف المحاضرات واصلة وين, واصلت قراية. طبعا ما كنت فاهم الكلام 100% قلت احسن مما اكون "طاشي شبكة" ...قريت من الساعة 9 لحدي نهاية المحاضرة الساعة 11 وبعداك مشيت اللاب...الاسبوع الجاي,المحاضرة رقم 6 ب"الصدفة" جيت بدري وحضرت. نسيت تماما انو انا ما حاضر تلاتة محاضرات! الاستاذ لمن بدا يتكلم, لاحظت انو الكلام ده مرا علي! قلت لي واحد صحبي جنبي:" انا عارف حل المسألة دي" قبل ما الاستاذ يشرحا.طبعا ماصدقني. قلت ليو الحل وبعد زي 5 دقايق كلامي طلع صح! انا ما صدقت! لقيت نفسي من الساعتين القريتم في المكتبة قريت التلاتة المحاضرات وفت الاستاذ! كان شعور لا يوصف! جبل هم وانزاح من صدري!حكيت لي صحبي عن الكتاب ده ومشينا قريناو مرة مرتين.
..........
في المقالة الجاية,حاشرح ليكم الكتاب ده بشرح الفيزياء كيف, وكيف انو امتحان الفيزياء اسهل امتحان يتنباْ بيهو! وكمان حنعمل تجربة فيزيائية بسيطة بتشرح خاصية التوتر السطحي وكيف ممكن اي زول يعملا في مكان!!
Stay tuned!
..........
في المقالة الجاية,حاشرح ليكم الكتاب ده بشرح الفيزياء كيف, وكيف انو امتحان الفيزياء اسهل امتحان يتنباْ بيهو! وكمان حنعمل تجربة فيزيائية بسيطة بتشرح خاصية التوتر السطحي وكيف ممكن اي زول يعملا في مكان!!
Stay tuned!
No comments:
Post a Comment