لاب الكيمياء السريرية: target

كيف ترفع احتمال انك تجيب الtarget في الكيمياء السريرية:
- في حاجتين مهمة خالص لازم اقولها في الاول:
1. الtarget بالزات ما حاجة رورية 100%. طالما النتيجة صح ( hypo-, hyper-  او normal).... لانو في النهاية, الشغل في المستشفي بالاجهزة.
2."نهائي ما في استاذ مفروض يعرف بالطريقة دي! ولا تلمح ليو حتي انك عارفها!! لأنو لو في استاذ عرف ما حيرضي والتصحيح حيبقي كعب ده لو ما عملوا حاجة تانية!"
نبدا:
1. لمن نحنا ندخل لاب الكيميا, مكونات اللاب هي شنو؟:
1. المعدات:
test tubes, rack, colorimeter, etc
-الtest tubes  ممكن يكون فيها غبار, او مويه او باقي محلول من زول اشتغل قبلك!
دي ما كيميا اذا الزول ببدا الشغل اصلا بمعدات حتجيب الشغل غلط!
- الcolorimeter زاتو بيكون فيو مرات باقي محلول من زول كبكب (او في الامتحان اذا ما كنت المجموعة الاولي التشتغل).
نحنا قبل مده اشتغلنا اربعة لابات وره بعض...ما قدرنا نقرب من الtarget  حتي! مهما بقينا شغلنا دقيق!
القانون المسير لاب الكيمياء كلو هو قانون Beer-Lambert law:
"بيير ولامبارت قالوا: "لو في محلول عندو لون "ما شفاف" المحلول ده لونو مسبباو مادة. المادة دي تركيزا لو زاد, لون المحلول بتقل".
والcolorimeter شغال بالمبدأ ده. لو في حتي بصمات! علي الcuvette مستحيل الشغل يطلع دقيق!!
من ناحية بتاعت رياضيات:

بنقدر نتحكم في الR والV. الO  قيمة بنحفظها. صح؟
طيب: عشان نعرف القيمة الصحيحة لي تركيز الsample ( اللي هو الtarget.. اذا فكينا الstock صح.) نعمل كالاتي:
نعاين لي الارقام بتاعت الstandard  من قبل ما نفكو حتي:
الارقام من 0 لي 9.
ياتو فيهم قاعد في الstandard (لو stock او لا)؟
مثلا:
8,5
7
3,5
لو الرقم كان فوق العشرة ما بفرق! نشوفو بشبه ياتو رقم اقل من العشرة:
75 ....750....الخ هم:
7,5
ونشوف الرقم ده, نضربو في كم او نقسمو علي كم عشان يكون جوه الnormal range؟
750 والnormal range = 50-150....
نعمل شنو عشان نبقيو ما بين 50 – 150؟
نقسمو علي 10 = 75.
اذا كان 170؟
نقسمو علي 2 = 85.
وهكذا..
فك الstock  ببقي ساهل جدا بالخطوة دي. عشان ما اجرب رقم رقم, كل الارقام من 0 لي 10,000 ممكن تتحول لي رقم بين 0 لي 10.
طبعا مافي تركيز بجي 9,843.... ده مستحيل.....ولو جا, الرقم الفات ده ببساطة 9,8.
اذا الstandard مفكوك جاهز,  وصلنا الخطوة الاخيرة:
نلقي علاقة رياضية ما بين قراية الtest وقراية الstandard:
"علاقة رياضية" يعني شنو؟ يعني واحد فيهم يكون: ضعف, نص, ربع, تلت الخ.. التاني.
الstandard قرايتو كانت 50 والsample كانت قرايتو 42, ده معناها في شي غلط.
قراية الtest هي 50 (ال8 دي خطا. ما نحنا بشر في النهاية. زي ما قلنا: الغبار, المويه في tubes الخ... بتغير القراية)
لو كانت قراية الtest 19, معناها الtarget  25.
(اقرب رقم عندو علاقة رياضية مع 50  وقريب من القرية الظهرت هو 25)
الاجابة الهاية حتكون 2,5.
ده كل شي!

الاحياء الجزيئية: الكروموسومات.

Definition of chromosomes:
تعريف الكروموسومات:
- It’s a combination of two words, i.e. “chroma” means “color”  and “some” means “body”.
كلمة كروموسوم اصلها كلمتين من اليوناني "لون"+ "جسم".
ومعناها "الجسيم الملون" زي ما زكرنا الحاجة دي في محاضرة المصطلحات.
- Are the colored thread-like bodies present in the nucleoplasm (karyoplasm) of the living cells, which helps in the inheritance (transmission) of characters in form of genes from generation to generation.
- الكروموسومات عبارة عن جسيمات شبيهة بالخيوط موجودة داخل النواة. بتساعد في الوراثة (نقل) الصفات من جيل لي جيل.

-Number of chromosomes:
-عدد الكروموسومات:
- The number of chromosomes per orangism is always a definite number,  which is said to be diploid (2n), but gametes, sperm, ova, ….etc carry haploid (n) number.
- عدد الكروموسومات في الكائنات الحية من نفس النوع دايما ثابت. بنصفو بانه هل هو diploid (2n) (كامل العدد) ولا haploid (n) (نص العدد الكامل بتاع الكروموسومات).
- عدد الكروموسومات طبعا بختلف من كائن حي لي كائن حي.

Genetics: Chemical & Physical characteristics.

DNA: Chemical & Physical characteristics:
خواص الDNA الكيميائية والفيزيائية:
(قبل ما نبدا احب اقول حاجة صغيرة:" ما ممكن تصل درجة من المعرفة تكون عارف "كفاية عن خواص الDNA. قصدي كللل ما تعرف اكتر عنو, بتتقدم اكتر. لحدي الان العلماء بعملو عليهو مختلف التجارب...وكل سنة في اكتشاف صغييير عنه...عشان كده, نصيحة من دارس جينتكس لي دارسـ(ة) جينتكس, ادي اكبر اهتمامك لتركيب ال DNA, خصايصو, بعمل شنو, بتصرف كيف, بستحمل شنو وما بستحمل شنو...وغيرهم...)

Chemical properties:-
Chemically, DNA consists of 2 long polymers of simple units called nucleotides, with backbone made of sugars & phosphate groups joined by phosphodiester bonds.
(دايما لمن يقول ليك الحاجة الفلانية بتتكون من كده وكده, نخت الحاجات في واحد, اتنين, تلاتة...)
كيميائيا, الDNA  بتكون من تلاتة حاجات:
1. بوليمرين طويلين (البوليمر هو مركب مكون من كم جزو.) مكونات الواحد فيهم وحدات اسمها النكليوتيدات. (اتكلمنا عنها قبل كده.)
(لمن اقول الunit  او الوحدة بتاعت الحاجة الفلانية هي كده, معناها حاحسب بيها طول, حجم, تركيز الخ الحاجة دي. لاكين النكليوتيدة ما بتكون قاعدة براها. هو ما لولب فبتكون متلصقة مع نكليوتيدة تانية. فعشان كده, بنحسب طول, تركيز, حجم  الDNA  بال base pairs (bp)
(جوز القواعد).
2. "العمود الفقري" بتاع الDNA  هو السكر الخماسي (pentose)
3. السكر الخماسي ده مربوط مع مركب الفوسفات بي رابطة فوسفورية ثنائية الاستر phosphodiester bond .
يلا نتكلم عن الpurines  والpyrimidines  :
-Purines:
- The nitrogenous base is linked to position 1 on the pentose ring by a glycosidic bond from N9 of purines
- القاعدة النتروجينية في الpurines مرطبة مع حلقة الpentose بي رابطة غلايكوسيدية من ذرة النتروجين الواقعة رقم 9.

Genetics, Lecture 02: DNA structure.

تركيب الDNA:
عالمين اكتشفو تركيب الDNA هم : "جيمس واتسون" و "فرانسيس كريك" سنة 1953. اخدو جائزة نوبل مع انو قصتهم ما مفرحة شديد لأنهم سرقوا ابحاث عالمة تانية معاهم اسمها "........" . هي كانت صارمة شويه وما بتتفاهم وكانت "قاطعاها معاهم" . وكانت ذكية خالص وبتقدر علي حاجة, لا واتسون ولا كريك ما بقدر ليها: انها بتقدر تستخدم جهاز اشعة اكس (وممكن يستخدم الجهاز ده عشان يصور بيهو اي جزيء او مركب). المشكلة انو رئيسها في العمل كان اسمو "......." واتعاون مع العالمين, أخد الصور الهي ماخاداها للDNA (بدون اذنها). لو ما كده ما كان اتوصلوا لي تركيبو او احتمال كان اتأخروا جدا. أتعاونت معاهم في النهاية لمن عرفت انو هم خلاص قربوا للاكتشاف (عشان تشاركهم جايزة نوبل), للاسف! ماتت بسرطان من استخدام جهاز اشعة اكس قبل ما يحصلوا علي الجائزة.....

Properties of the DNA as explained by the Watson & Crick model:
خصائص الDNA البيظهرها نموذج واتسون وكريك:
1. Ability to store genetic information.
ليو القدرة انو يخزن المعلومات الجينية. (كل جين عامل كيف).
2. Ability to transfer a faithful copy of this information to daughter cells.
2. ليو القدرة علي انو يدي نسخة "مخلصة" للخلية الناتجة من انقسام الخلية الاصلية. او الdaughter cells .
3. Physical & chemical stability:
which enables information storage for long periods of time.
3. ثابت كيميائيا وفيزيائيا: والحاجة دي بتبقيو قادر علي انو يخزن المعلومات الوراثية لفترة طويلة جدا من الزمن.
4. There is a potential for small changes, which could be inherited, without the loss of parental information.
4. بتقبل احتمال يكون في تغييرات عليو, اللي ممكن تتورث, بدون ما تتفقد المعلومات الوراثية المنقولة من الخلية الام.

Genetics: Terms & Definitions. تعاريف ومصطلحات

1. The cell:

the basic structural unit of living organisms.
الخلية:
الوحدة التركيبية للكائنات الحية.
(ده هوملخص نظرية اسمها "نظرية الخلية")

2. Prokaryotic cell:
A cell that lacks a membrane-bound nucleus & a cytoskeleton.
الخلية بدائية النواة:
الخلية الما عندها نواة محاطة بغشاء ولا هيكل خلوي.
lacks = تفتقر , لا تمتلك  (عكسها possess ).
في معلومة مهمة عن البروكاريوتس. اللي هي:
- All prokaryotes are single-celled organisms.
كل بدائيات النواة ( البروكاريوتس) كائنات حية عندها خلية واحدة. يعني الخلية هي الكائن الحي كلو. ومافي كائن حي عندو كم خلية بدائية النواة. بمعني اخر, الخلايا بدائية النواة ما ممكن تتجمع مع بعض وتعمل نسيج او بعد كده "عضو" الي اخره.

3. Eukaryotic cell:
A cell that possesses a membrane-bound nucleus, chromosomes built of DNA & protein, a cytoskeleton & a variety of membrane-bound organelles.
الخلية "حقيقية النواة":
خلية عندها نواة محاطة بغشاء, كروموسومات مكونة من "حمض نووي = DNA" وبروتين, جسم خلوي و"عضيات" ( او "organelles" = اعضاء صغيرة جدا جوه الخلية).

Histopathology: Fixation & Fixatives.

نبدا بي حاجة بتجي كتير في الامتحان:
Aims of fixation:
اهداف الfixation:
1. To stop autolysis and putrefaction.
1. بوقف التحلل الذاتي والتعفن البكتيري.
2. To coagulate the tissue; to prevent the loss of easily diffusible substances. (e.g. glycogen).
2. بجلط النسيج, و بمنع فقدان المواد البتتسرب من الخلية. (زي الglycogen).
3. To fortify the tissue against the harmful effects of the tissue processing.
3. بقوي النسيج وبقلل الاثار الاضارة البعملها الtissue processing.
4. To leave the tissue in a condition which facilitates differential staining.
4. بخلي النسيج في حالة بتسهل صبغه.
(لو السؤال ده جا في short notes, دي الاجابة المثالية. من Carliton).

اهم fixatives  هي:
1- Formaldehyde. (formalin).
2- Gluteraldehyde.
3- Mercuric Chloride.
4- Potassium dichromate.
5- Chromic acid.
6- Picric acid.
7- Osmium tetroxide (Osmic acid).
8-  Glacial acidic acid.
9- Ethanol.
 
نعرف عن كل ديل معلومات معينة بتورينا خصايص كل واحد فيهم وهل هو محبذ ولا لا. ولو هو مستخدم, مستخدم وين.

1. Formaldehyde( formalin):