Genetics: Terms & Definitions. تعاريف ومصطلحات

1. The cell:

the basic structural unit of living organisms.
الخلية:
الوحدة التركيبية للكائنات الحية.
(ده هوملخص نظرية اسمها "نظرية الخلية")

2. Prokaryotic cell:
A cell that lacks a membrane-bound nucleus & a cytoskeleton.
الخلية بدائية النواة:
الخلية الما عندها نواة محاطة بغشاء ولا هيكل خلوي.
lacks = تفتقر , لا تمتلك  (عكسها possess ).
في معلومة مهمة عن البروكاريوتس. اللي هي:
- All prokaryotes are single-celled organisms.
كل بدائيات النواة ( البروكاريوتس) كائنات حية عندها خلية واحدة. يعني الخلية هي الكائن الحي كلو. ومافي كائن حي عندو كم خلية بدائية النواة. بمعني اخر, الخلايا بدائية النواة ما ممكن تتجمع مع بعض وتعمل نسيج او بعد كده "عضو" الي اخره.

3. Eukaryotic cell:
A cell that possesses a membrane-bound nucleus, chromosomes built of DNA & protein, a cytoskeleton & a variety of membrane-bound organelles.
الخلية "حقيقية النواة":
خلية عندها نواة محاطة بغشاء, كروموسومات مكونة من "حمض نووي = DNA" وبروتين, جسم خلوي و"عضيات" ( او "organelles" = اعضاء صغيرة جدا جوه الخلية).

4. Genetics:
-The scientific discipline dealing with :
1. The study of inheritance and variation of biological traits.
2.The study of genes, including their structure, function, variation & transmission.
4. علم الجينات:
تركيزو علي نقطتين:
1. دراسة الوراثة وتنوع الصفات (عن طريق الوراثة).
(وعشان نفهم الوراثة كويس, محتاجين ندرس:
2. الجينات: تركيبها, وظايفها (بتشتغل كيف), تنوعها, وكيف بتتحكم في نقل الصفات.

5. Molecular genetics:
The subdivision of genetics which focuses on the structure & functioning of genes at the molecular level.

5. علم الجينات (الجزيئي):-
وده فرع علم الجينات الحيركز علي النقطة التانية الذكرناها فوق: طريقة عمل الجينات و هي بالضبط عاملة كيف الجينات دي.

معني at the molecular level حرفيا "علي المستوي الجزيئي" والعبارة دي معناها بالتركيز علي الجزيئات. لو قلنا دايرين ندرس الكائن الحي الفلاني "علي المستوي الخلوي" معناها دايرين نشوف نوع الخلايا المكونة ليو. يلا "علي المستوي الجزيئي" = نشوف جزيئاتو عاملة كيف.

في نقطة صغيرة:
Molecular genetics field overlaps)يتداخل( with other biological fields especially genetics & biochemistry.
لانو زي ما قلنا العلم حديث (ما بدا الشغل فيو يتركيز الا في القرن العشرين), لازم يستخدم تقنيات بتاعت علوم تانية. خصوصا الbiochemistry

والكيمياء الحيوية داخلة في اي شي فيهو كلمة "كائن حية" (= احياء) و مركبات (كيمياء) = كيمياء حيوية (او الكيمياء البنستخدمها عشان ندرس الكائنات الحية)
6. Chromosome:
A long strand of coiled DNA that is the site of genes.

التعريف ده مهم:
6. الكروموسوم:
(كروموسوم حرفيا: معناها "الجسيم الملون" وسموهو كده عشان لاحظو انو بياخد الصبغة البتتصبغ بيها الخلية اكتر من غيرهو من مكونات الخلية. ترجمة دقيقة لي كلمة كروموسوم اظن هي "الجسم المايل لاخذ الصبغة")
- الكروموسوم هو عبارة عن شريط طويل مكون من DNA ملفوف في نفسو. وهو مكان الجينات. 

Video: Supercoiling of DNA.

الكروموسوم بتكون من حاجتين:
DNA + protein

7. DNA:-
اختصار لي:”Deoxyribonucleic Acid”
ود هو:the molecular basis of heredity.
يعني "الاساس الجزيئي" بتاع الوراثة. او المركب المسؤول عن الوراثة ( نقل الصفات من الاباء الي الابناء.) (حنشوف بالضبط كيف قدام)
DNA consists of a polysugar- phosphate backbone (purines & pyrimidines)
الحمض ده بتكون من شنو؟
(بدون تفصيل كتير) بتكون من مركب فوسفات مربوط مع مركب سكر خماسي الكربون. وهم نوعين
1. The purines
2.the pyridimines.

8. The gene:
The basic unit of heredity, residing on chromosomes.
8. الجين:
(طبعا الجينات هي شنو بالضبط... حناخد وقت لحدي ما نفهمها كويس)
الجينات هي الوحدة الاساسية للوراثة.
(لحظة! مش قلنا عن حاجة تانية انها الوحدة الاساسية للوراثة؟
لا. ال "دي ان اي" هو : molecular basis of heredity

والجين : Basic unit of heredity.

الاول: من ناحية جزيئات والتاني: من ناحية وراثة.

( المركب الواحد بتاع ال DNAعامل زي لاعب كورة او اي رياضة تانية. كم مركب DNA مع بعض بعملو جين. الجين زي فريق الكورة. والكروموسوم فيو كم "فريق كورة = كم جين مع بعض". الكروموسوم عامل زي الدوري, بلعبو فيو كم فريق من حته معينة. طيب الجينوم هو شنو؟
الجينوم ده زي اتحاد الفيفا: لامي الفرق كلها مع بعض بي دورياتها المختلفة "جينات")
(افضل تشبيه قدرت ليو) :)
The genome:
The FULL set of genes in an organism’s chromosomes.
الجينوم ده كل الجينات الفي الكائن الحي. بعدما الزايجوت يتكون والجنين يبدا ينمو, كل خلية بتعرف ياتو جينات تشتغل عندها ( بيكون عندها ككلللل الجينات الفي كل الخلايا. حتي الما بتحتاج ليها. خلية العظم بتتعرف علي الجينات التبقيها بيضاء, قوية و بتقدر تتجدد. حيكون معاها كم خلية بتاعت عظم. حيعملو نفس الشي لحد ما يتكون نسيج عظم وكده لحدي ما بتكون الهيكل العظمي كلو. خلايا الجلد برضو مثلا, حتاخد شكل وملمس يبقيها خلية جلد. لمن الخلية تغلط (او كم خلية تغلط) في التعرف علي الجينات دي, بحصل خلل وبتتكون مثلا "الشامة". الشامة هي شنو ما كمية صغيرة من الخلايا لونها بيكون اسود. مختلف لي؟ عشان الخلايا دي ما اتعرفت كويس علي جيناتها.
لاكين ده خلل غير ضار. لاكين لمن الخلل ده يكون عام, وكللل خلايا الجلد تغلط وتفقد مثلا صبغة الميلانين, الزول بطلع من "ولد الحور" زي ما بيقولو عليهم. او 
albino child.
الحالة دي بيقولو عليها ال albinism

اذاً, الجينوم هو :
= all the number of genes in a cell.
(اتخيلو دايرين نبني بيت, وبدل ما ندي المفروض يبني الحيطة طوب والمفروض يضرب البوهية, بوهية, قمنا ادينا كلللل زول مشارك, طوب, بوهية, رملة...الخ
يعني ادينا لي كل واحد فيهم كللل الحاجات البحتاج ليها كللل واحد... وقلنا ليهم, استخدمو المحتاجينو عشان تأدو وظايفكم وخلو الباقي. ده هو الجينوم.)
مثال تاني:
لو في تلاتة خلايا:
cell A
cell B
cell C
الخلية "اي" دايرة جين اسمو "جين اي"
والخلية "بي" دايرة جين اسمو "جين بي"
والخلية "سي" دايرة جين اسمهو "جين سي"

لاكين كل خلية عندها كل الجينات:
A B C D E F G H I J K L M N O P Q R S T U V W X Y Z

مع انو كل واحدة فيهم محتاجة بس جين واحد. باقي الجينات بيكون ما "مفعلّين" وما عندهم فايدة.
وفي برضو جينات كلهم بحتاجو ليها اوكم نوع خلية بحتاجو لي جينات مشتركة مع نوعهم مختلف. ده بس مثال عام.

10. The Human Genome Project:

ده مشروع عملتو الولايات المتحدة في سنة 2001 عرفو في الجينوم بتاع الانسان في كم جين وبعد كده طلع العلاقة بين الجينات متداخلة شديد (لحد الان بدروسو فيها)
human genome = 33000 genes & 3 billion nucleotides.
في جينوم الانسان طلع في : 33 الف جين وتلاتة مليار نيوكليوتيدة.
11. Central Dogma:
The concept describing the functional interrelation between DNA, RNA and protein. That is, DNA serves as a template for its own replication and for the transcription of RNA which in turn is translated to protein.
(ملاحظة: ما اظن في امتحان بتاع جينيتكس ما فيو عبارة( central dogma   

افضل ترجمة لاقتني لي للعبارة دي هي:
"فرضية انتقال المعلومات الوراثية من الاحماض النووية"
لانو :
مركزي = central
فرضية = dogma
سموها ال" الفرضية المركزية" لانو هي بتصف العلاقة الوظيفية (شنو بجي من شنو). الدنا بنسخ نفسو
template =
قالب. (زي انو الزول يكون داير يعمل نسخة من تمثال يقوم يختو قدامو ويحاكيو)
وبعد كده من الدنا, ال" ار ان اي" بتنسخ.
transcription=
نسخ
وبعداك بي"ترجم" ال "ار ان اي" لي بروتين.
# تاني تشبيه:
الدنا زي كتاب وصفات. ال"ار ان اي" هو "المقادير" بتاعت طبق معين والبروتين هو "الطبق" الدايرين نعملو.
12. Mutation:
- A change in the chemical structure of a gene. (DNA).
الطفرة الوراثية( او الطفرة الجينية "نفس الشيء"):
وهي تغيير في التركيب الكيميائي بتاع الجين (في مركب معين بتحول وممكن يحول  ناتج الجين  ( مثلا يغير الblood group ).

او ممكن ما يعمل تغيير. ( لو ما بتعمل تغيير, بسموها "طفرة جينية صامتة")
“silent mutation”
الطفرات الجينية تلاتة انواع:
1. Insertion
-ادخال.
2. Deletion.
- مسح
3. Substitution.
استبدال.
يعني ممكن مركب يجي جديد (ادخال), يكون في مركب يتمسح (مسح) او يكون في مركب معين يبقي مختلف ( استبدال).
(الطفرات الجينية مهمة جدا ومثيرة للاهتمام. لانو كل صفة في اي كائن حي بتغيرها الطفرات دي. لون الشعر, الطول, لون العيون, الشخصية! كل شيء... وكمان مثير للاهتمام الحاجات البتسببها. يعني مثلا عوامل خارجية.)

13. Polymorphism:
من :
poly = many.
morph = shape.
يعني حرفيا معناها "تعدد الاشكال".
The existence of two or more genetically different classes in the same population.
- وجود نوعين او اكتر مختلفين جينياً.
اقرب مثل هو فئات الدم. بعض الناس "اي" "بي" الخ...  وفي فئات دم منتشرة وفي نادرة .
عندها نوعين:
1. Single Nucleotide Polymorphism (SNP) :
تعدد في الاشكال ناتج من اختلاف نيوكليوتيدة واحدة.
2. Length Nucleotide Polymorphism.
تعدد في الاشكال ناتج من اختلاف اكتر من نيوكليوتيدة.
Example:
blood groups.
نتزكر من حسه انو فئات الدم من نوع :
Length Nucleotide Polymorphism.
يلا اخر تعريفين مهمين:
14. Genotype:
- The complete genetic makeup of a cell or organism, part of which is expressed as the organism’s phenotype or physical appearance.
التركيب الجيني او ال (الجينوتايب) هو المحتوي بتاع الجينوم بتاع الكائن الحي. يعني الزول ده او الكائن الحي ده عندو شنو في جيناتو. نشوف فئة دمو نلاقاها مثلا كده, نشوف الامراض الوراثية العندو جاية من الاسرة (ممكن تجيو او لي اولادو او ما تجي خالص).
التركيب الجيني بتحكم في الشكل الخارجي (الفينوتايب) زي ما قلنا قبل شويه : لون الشعر غيرو.

15. Phenotype:
The observable expression of the genetic makeup (genotype) of a cell or organism.
- التركيب الظاهري:
ده الجزو البنقدر نشوفو من التركيب الجيني.

# الازرق: هو التركيب الظاهري.

# الابيض والازرق مع بعض: هو التركيب الجيني.
يعني التركيب الظاهري هو الجزو البظهر لينا من التركيب الجيني. (الباقي الا نكشف عنو باختبار. زي فئات الدم)

طيب. كده انتهينا من بعض التعريفات الاساسية. فهمك لي التعريفات دي بيحدد فهمك لي كل شي حيلاقينا لي قدام. هل في تعريف ما واضح ليك؟ اكتبو (اكتبيو) في التعليقات تحت. عشان نناقشو سوا.