حاجات تعملها عشان ترفع جودة ادائك في (امتحان) لاب الطفيليات

قبل ما نتكلم عن "كيف تلقي اكبر عدد من الباراسايتس" في حاجات لازم الزول يخت بالو ليها. اولا, مرات العينة اصلا ما فيها باراسايتس كتيرة ومعمولة باختبار...عشان الاساتذة يشوفو منو البطلع ساي. طبعا زي ما انتو غالبا عارفين, العينة بتكون محضرة من عينات فيها مايكرو اوغانسم واحد. يعني بجيبو عينة فاضية وعينة مثلا فيها "اسكارس" وكم عينة تانية فيها اورغانسم معين. بعد كده بخلطوهم مع بعض. هل ده كل شي؟ لا. في تاني اهم حاجة الي هي: التركيز. ممكن الزول يخت الطفيليات بي تركيز مختلف حسب تركيز العينات ال"منقية" وفيها اورغانسم واحد. فتبقي:

- 25% Ascaris.
- 10% تريبونيلا.
- 5% ترايكنيلا.
والباقي عينة فاضية.

كده من الواضح انو درجة الترايكنيلا بتكون اعلي لانو هي بسيطة في العينة.
طيب, الخطوات المفروض الزول يتبعها شنو عشان يزيد احتمال انو يلقي اكبر عدد.


1. ما زي ما كتير من الطلبة بعملو, الجري للمايكروسكوب ما بفيد كتير. صدقوني. اذا الزول كلم اي استاذ, بغير ليو المايكروسكوب. انا في امتحان النهائي قعدت في سبعة مايكروسكوبات! وبحفظو ليك الزمن. يعني دي ما مشكلة. الزول يمشي للمايكروسكوب بي راحتو.

2. لحظة استلام العينة, الزول ما يجخها زي ما الاساتذة بيقولو. كده الباراسايتس بتشتت. امسك العينة واقلبها لمدة 4 لي 5 ثواني تقريبا او اطول وقت ممكن.
كل الباراسايتس حتتركز في الغطاء. افتح الغطاء براااحة ونقط تلاتة نقط علي الاسلايد.

3. ضبط المايكروسكوب مهم. اتاكد انو عدسة المايكوسكوب الجنب العين والجنب العينة نظيفة. نظفها بمنديل علي اي حال. الصورة الفي المايكروسكوب لازم تكون واضحة خالص وما قامتة. الاضاءة مظبوطة 100%.

4. افضل انو الزول ينادي استاذ بعرفو استاذ كان قراكم في اللاب. الاساتذة الغريبين بياخدوا وقت اطول. وفي التصحيح بكتبو رموز غريبة كده. ماحاجة مهمة 100% لاكين الاستاذ البتعرفو افضل. انا كنت بأخر اني انادي استاذ شويه لحدي ما يمر جنبي استاذ بعرفو (بس للضمان.)

5. مر ببطء علي العينة وانت بتعمل زقزاق. بطْء شديد. لانو غير كده عادي الزول ممكن يفط باراسايت. ماتشيل هم للزمن. لاكين سرعة المرور علي العينة لازم تكون كافية بحيث انو تشوف كل جسم واضح 100%.

6. اتاكد انك تصل الاطراف بتاعت الاسلايد 100%. ما تقول :"لا لا خلاص وصلت النهاية ارجع للاول. الضغط البعملو ال"كفر قلاس" علي الاسلايد ممكن يفرق مكونات العينة للاطراف خالص. ده نقط مهمة خالص. فعشان كده اصل الاطراف لحدي ما تشوف نهاية الكفر قلاس.

7. ممكن الزول يشيل معاو 2 كفر قلاس بدل واحد ويبقي في حقلين علي الاسلايد. (ما تسأل الاستاذ. ما حيلاحظ. الحاجة دي عملناها كتير ) ممكن الزول يمشي لي اقرب لاب في الجامعة ويطلب كفر قلاس. او ممكن برضو من لاب او مستشفي.
(حنتكلم في مرة عن : "كيف تخلي مستشفي او لاب بره الجامعة يحسنو كتير من ادائك في العملي في الجامعة.)
الاسلايد حتكون كده. 

ما بفرق كتير اذا الكفر قلاسين مفرقين ولا ملصقين. بس كده زي ما شايفين, في حقلين بدل واحد.

8. اتأكد تمام من انك عارف(ة) كيف تكتب اسم كل باراسايت. الاساتذ البصحح ليك عادي ممكن يديك غلط او ينقصك اذا شاف اسم الباراسايت غلط بدون ما حتي يوريك ( ده امتحان صح؟). ودي ما حاجة صعبة. خصوصا انو الاسماء دي حتلاقيكم في كل سنة مرات كتيرة.

طيب. ده كل شي. ارجو انو النصائح دي كانت مفيدة. صراحة حاجات بسيطة بس ما اتعلمناها الا بعد زمن. اذكر تاني بي انو الزول يتخيل نفسو في لاب حقيقي وده عينة مريض. صراحة ما مهم شديد الزول درجتو كم في كل امتحان. احسن الزول يعتبر نفسو بتعلم مهارات لي قدام لمن يطلع يشتغل في مستشفي ما فيها استاذ بصحح ليك شغلك.

يلا للمرة الجاية>>

Introduction to Histopathology مقدمة علم امراض الانسجة

The histopathology is one of the simplest & most straightforward majors in the MLS.
The courses in the second, third & even fourth year consist of very simple chapters.
The course in  the second year can be put in two words: Tissue Processing.
The steps taken with a tissue sample arriving the lab until its stained to be examined for the abnormality.
for example,
Fixation:-Brief description to aims of fixation. then:

Third year: Introduction to Genetics. الاحياء الجزيئية : سنة تالتة

"Practical" Geneticsكورس الجينتكس في سنة تالتة عملي جدا! حتي نحنا ممكن نسميو
النظري واللاب قريبين من بعض خالص انا ما كنت بفرق انا بقرا لاب ولا نظري! استاذ احمد النذير ( الان هو ما بدرس) واساتذة اللاب عملو لي تكريم لأنو انا جبت اعلي درجة في الدفعة. كانت 91 او 94 ما متأكد. انا كلو مرة كنت بقول ولازلت بكرر:" والله دي ما مني!" لأنو الناس ظنت اني عبقري ولا حاجة! قلت ليهم : ابدا! والله طريقة تدريس الاساتذة هي البقت المادة ساهلة  زي ما حكيت في مقدمة الاحياء الجزيئية.
طبعا ما كانت في تجارب كتيرة في اللاب في سنة تانية. طور انقسام الخلية ورص الكروموسومات ,,,الخ.
نشوف في تالتة المحاضرات واللاب فيهم شنو:

مقدمة الكيمياء Chemistry :Introduction

اقصر مادة تقريبا هي مادة الكيمياء. اللاب بتاعها شويه مهم. كرر الحسابات بتاعت المولارية كم مرة عشان ده هو ببساطة الامتحان! ممكن مجموعة من الطلبة يمشو لي استاذ لاب ويطلبو منو اعادة لاب في يوم ما فيو شي. او بعد اخر قروب اذا في زمن.

بالنسبة للمحاضرات, اي معادلة تكتبها الاستاذة دي تتحفظ! اكتبها كم مرة, كرر كم مرة, اي شيء بنفع, حسب اسلوب الزول. المهم, دخول الامتحان بدون ما الزول يكون حافظ كل المعادلات انتحار!

برضو في كم تعريف كده لازم يتحفظو.  انا بسمي الحاجة دي "تقطيع سلطة!!"

اكتب في ورقة براها كل التعاريف. وفي ورقة تانية كل المعادلات. وبعداك اقرا المحاضرات عادي.

بالبساطة دي! والله الزول ما بحس بسهولة الكيمياء في اولي الا بعد ما يمشي تانية!

الثقافة الاسلامية: مقدمة

 سمعت انو استاذ الثقافة الاسلامية غيروهو لي استاذة. انا سمعت من طلبة عنها لاكين ما لاقيتها . المهم, مادة الثقافة ما ممكن تتغير كتير من جامعة لي جامعة خليكم من دفعة لي دفعة! وبالمناسبة, الاستاذة البيتقري في الجامعة ما في شك حتكون بتقري في كم جامعة تانية. عارفين فايدة الحاجة دي شنو؟