سمعت انو استاذ الثقافة الاسلامية غيروهو لي استاذة. انا سمعت من طلبة عنها لاكين ما لاقيتها . المهم, مادة الثقافة ما ممكن تتغير كتير من جامعة لي جامعة خليكم من دفعة لي دفعة! وبالمناسبة, الاستاذة البيتقري في الجامعة ما في شك حتكون بتقري في كم جامعة تانية. عارفين فايدة الحاجة دي شنو؟
انو الاستاذ البدرس في كم جامعة ما بيكون عندو القدرة علي انو "يبدع" في امتحانو! لأنو بيكون مرهق كفاية يركز في المقرر البدرسو. وهنا واقف وين وهناك واقف وين. خصوصا لمن الكلية ما يكون ليها علاقة بالمادة (مختبرات طبية & ثقافة اسلامية!).احتمال 90 % بجيب لي كل الكليات البدرسا نفس الامتحان! و بعيد امتحاناتو من سنة لي سنة! ( اذا قدرتو تعرفو بتدرس وين تاني. ممكن تمشو الجامعة التانية و جامعتنا تقريبا اخر جامعة بتمتحن السمستر. ممكن تكشفو الامتحان عادي! وجربنا الكلام ده! )
انو الاستاذ البدرس في كم جامعة ما بيكون عندو القدرة علي انو "يبدع" في امتحانو! لأنو بيكون مرهق كفاية يركز في المقرر البدرسو. وهنا واقف وين وهناك واقف وين. خصوصا لمن الكلية ما يكون ليها علاقة بالمادة (مختبرات طبية & ثقافة اسلامية!).احتمال 90 % بجيب لي كل الكليات البدرسا نفس الامتحان! و بعيد امتحاناتو من سنة لي سنة! ( اذا قدرتو تعرفو بتدرس وين تاني. ممكن تمشو الجامعة التانية و جامعتنا تقريبا اخر جامعة بتمتحن السمستر. ممكن تكشفو الامتحان عادي! وجربنا الكلام ده! )
لاكين طبعا مع انو اجمل شي الزول يقدر يعرف الامتحان فيو شنو, دي دايما لازم تكون الخطة ب. اول حاجة الزول يعرف المادة دي دايرة شنو.
طيب. اولا: اسألوا الاستاذ المبهم (طريقة تدريسو ما مفهومة, او صوتو منخفض, او بجي بقرا البروجكتر وبمشي ) اكبر عدد ممكن من الاسئلة! المقرر فيو كم باب؟ هل الامتحان فيو حفظ؟ ايات او احاديث؟ ( غالبا: لا)
واسألوها عن الامتحان (بطريقة غير مباشرة!) ما في استاذ ممكن يجاوب : يا استاذ, الامتحان فيو شنو؟ لاكين : نحنا مفروض نعرف شنو للامتحان؟ انا احلف ليكم اني عرفت تلاتة ارباع كل الامتحانات الامتحنتها في الاربعة سنين بي طرق زي دي! بالذات اذا سألتوا الاستاذ بره المحاضرة. دايما كنت بنتهز فرص لمن الاستاذ يكون براو. كنت بسألو اي سؤال في المادة, مثلا, " ما ممكن اكتب تعريف للثقافة الاسلامية يشمل كل التعاريف ولا احفظهم كلهم؟" عشان هو يحس اني ما بس داير الامتحان, لاكين عندي اهتمام اعرف مادتو.
نسيت اقول انو الحضور للاستاذ دايما! مهم. "الدك" نهائي ما بوصل لي نتيجة! فكرو في الموضوع. مهما الاستاذ كان "ما بفهم" , "صوتو ماواضح", "بنعس"! "ممل"...الي اخره. قضي الساعة بتاعت المحاضرة تحاول تفهم : "انا مفروض اعرف شنو من الاستاذ ده؟" او اتخيل سيناريو تكون في المحاضرات ساهلة والامتحان يجي ساهل تجيب "امتياز" في المادة!
نصيحة: ما تخلي المادة تتشتت! علي الاقل اعرف فيها شنو عشان الامتحان بجي وبمشي بسرعة! بالذات للمواد المرتبطة شديد بالمختبرات الطبية.
بالتوفيق! ولو في سؤال, اكتبو في التعليقات تحت.
مبشر.
No comments:
Post a Comment