اقصر مادة تقريبا هي مادة الكيمياء. اللاب بتاعها شويه مهم. كرر الحسابات بتاعت المولارية كم مرة عشان ده هو ببساطة الامتحان! ممكن مجموعة من الطلبة يمشو لي استاذ لاب ويطلبو منو اعادة لاب في يوم ما فيو شي. او بعد اخر قروب اذا في زمن.
بالنسبة للمحاضرات, اي معادلة تكتبها الاستاذة دي تتحفظ! اكتبها كم مرة, كرر كم مرة, اي شيء بنفع, حسب اسلوب الزول. المهم, دخول الامتحان بدون ما الزول يكون حافظ كل المعادلات انتحار!
برضو في كم تعريف كده لازم يتحفظو. انا بسمي الحاجة دي "تقطيع سلطة!!"
اكتب في ورقة براها كل التعاريف. وفي ورقة تانية كل المعادلات. وبعداك اقرا المحاضرات عادي.
بالبساطة دي! والله الزول ما بحس بسهولة الكيمياء في اولي الا بعد ما يمشي تانية!
No comments:
Post a Comment